ജനുവരി 22, 23, 24 തീയതികളിൽ നടക്കുന്ന കുറവിലങ്ങാട് മര്‍ത്ത്മറിയം ഫൊറോന പള്ളിയിലെ മൂന്നുനോമ്പ് തിരുനാളിന് മുന്നോടിയായി പകലോമറ്റം തറവാട് പള്ളിയില്‍ സഭൈക്യവാരശുശ്രൂഷകൾക്ക് ഇന്ന് തുടക്കമാകും.
ഇന്ന് വെകുന്നേരം 4.30ന് ജപമാല. അഞ്ചിന് മര്‍ത്ത്മറിയം ഫൊറോന പള്ളി വികാരി റവ.ഡോ. ജോസഫ് തടത്തില്‍ കൊടിയേറ്റും. തുടര്‍ന്ന് വിശുദ്ധ കുര്‍ബാനയും സന്ദേശവും. 6.15ന് വടവാതൂര്‍ പൗരസ്ത്യ വിദ്യാപീഠത്തിലെ ഫാ. തോമസ് തയ്യില്‍ ധൂപപ്രാര്‍ഥന നടത്തും.
നാളെ മുതല്‍ 19 വരെ തീയതികളില്‍ വൈകുന്നേരം 4.30ന് ജപമാല, 5.00ന് വിശുദ്ധ കുര്‍ബാന, 6.00ന് ധൂപപ്രാര്‍ഥന.
നാളെ(തിങ്കൾ) മാര്‍ത്തോമ്മാ സഭയിലെ ഫാ. മോത്തി,
16ന് (ചൊവ്വ) ക്‌നാനായ യാക്കോബായ സഭയിലെ ഫാ. ജിനു കുരുവിള,
17ന് (ബുധൻ) ഓര്‍ത്തഡോക്‌സ് സഭയിലെ ഫാ. ജിജോ തെക്കേവിള,
18ന് (വ്യാഴം) സീറോ മലങ്കര സഭയിലെ ഫാ. ജിബു,
19ന് (വെള്ളി) യാക്കോബായ സഭയിലെ ഫാ. ജോജോ സ്‌കറിയ എന്നിവര്‍ ധൂപപ്രാര്‍ഥന നടത്തും.
20ന് (ശനി) 10.00ന് ആഘോഷമായ വിശുദ്ധ കുര്‍ബാന, സന്ദേശം, ധൂപപ്രാര്‍ത്ഥന എന്നിവയ്ക്ക് പാലാ ഗുഡ്‌ഷേപ്പേര്‍ഡ് മൈനര്‍ സെമിനാരിയിലെ റവ.ഡോ. ഏബ്രഹാം പാലയ്ക്കതടത്തില്‍ കാര്‍മികത്വം വഹിക്കും.
