പേമാരിയും നിലയില്ലാത്ത വെള്ളപ്പൊക്കവുംമൂലം കേരളസംസ്ഥാനം നേരിടുന്ന ഗുരുതരമായ അപകടാവസ്ഥയിൽ നിന്നും മോചനം ലഭിക്കുവാൻ ഇന്നു (വ്യാഴം) വൈകുന്നേരം മൂന്നുമണി മുതൽ കുറവിലങ്ങാട് മേജർ ആർക്കി എപ്പിസ്‌കോപ്പൽ മർത്തമറിയം ആർച്ച് ഡീക്കൻ തീർത്ഥാടന ദേവാലയത്തിൽ അഖണ്ഡ പ്രാർത്ഥനയ്ക്ക് തുടക്കമായി. ഇന്ന് വൈകുന്നേരം മൂന്നു മണിക്കാരംഭിച്ച അഖണ്ഡ പ്രാർത്ഥനായജ്ഞം നാളെ രാവിലെ 5.30 നു ദിവ്യബലിയോടെ സമാപിക്കും.

ഇന്ന് രാത്രി 10 മണിക്ക് വിശുദ്ധകുർബാന ഉണ്ട്. സാധിക്കുന്ന എല്ലാവരും അഖണ്ഡ പ്രാർത്ഥനായജ്ഞത്തിലും അനുബന്ധ തിരുകർമ്മങ്ങളിലും പങ്കെടുക്കുവാൻ ദേവാലയത്തിൽ എത്തിച്ചേരണമെന്ന് അറിയിച്ചിരിക്കുന്നു.