കുറവിലങ്ങാട് ദേവമാതാ കോളേജിന് കോട്ടയം ജില്ലാ യോഗാ ചാമ്പ്യൻഷിപ്പിൽ മികച്ച നേട്ടം കൈവരിക്കാനായി. 03-08-2019 ശനിയാഴ്ച കോട്ടയം സ്പോർട്സ് കൗൺസിലിൽ നടന്ന ജില്ലാ യോഗാ ചാമ്പ്യൻഷിപ്പിൽ ദേവമാതാ കോളേജ് നിരവധി ഇനങ്ങളിൽ ചാമ്പ്യന്മാരായി.
കോട്ടയം സ്പോർട്സ് കൗണ്‍സിലിൽ നടന്ന ജില്ലാ യോഗാ ചാന്പ്യൻഷിപ്പിൽ ദേവമാതാ കോളേജ് തിളക്കമാർന്ന വിജയം. വ്യക്തിഗതം, രണ്ടു പേർ, ഗ്രൂപ്പ് എന്നിങ്ങനെയുള്ള ഇനങ്ങളിൽ ഒന്നാംസ്ഥാനത്തെത്താൻ ദേവമാതായ്ക്ക് കഴിഞ്ഞു. നെവിൽ ജോർജ്, ഡിബിൻ ഡൊമിനിക്, അക്ഷയ് സജീവ്, ജെലീറ്റ ആൻ സെബാസ്റ്റ്യൻ, അതുല്യ പ്രതാപചന്ദ്രൻ എന്നിവരടങ്ങുന്ന ടീം സംസ്ഥാന യോഗാ ചാന്പ്യൻഷിപ്പിൽ പങ്കെടുക്കാൻ അർഹത നേടി. കോളജ് പ്രിൻസിപ്പൽ ഡോ. ജോജോ കെ. ജോസഫ്, ബർസാർ ഫാ. കുര്യക്കോസ് വെള്ളച്ചാലിൽ, ഫിസിക്കൽ എഡ്യൂക്കേഷൻ ഡിപ്പാർട്ടുമെന്‍റ് മേധാവി ലഫ്.സതീശ് തോമസ്, പ്രസീദാ മാത്യു, ഡോ. ജോബിൻ ജോസ് എന്നിവരുടെ ശിക്ഷണത്തിലാണ് കോളജിന് മികച്ച വിജയം നേടാനായത്.
