മാർപാപ്പായുടെ ആഹ്വാനപ്രകാരവും സീറോ മലബാര്‍ സഭാതലവനും പാലാ രൂപതാധ്യക്ഷനും നല്‍കിയ നിര്‍ദേശപ്രകാരവും പ്രാത്ഥനയിലൂടെ കോവിഡ് വ്യാപനത്തിന്റെ കാഠിന്യം കുറയ്ക്കുവാനും കോവിഡ് വ്യാപനം തടയുന്നതിനായി കുറവിലങ്ങാട് മേജര്‍ ആര്‍ക്കിഎപ്പിസ്കോപ്പല്‍ മര്‍ത്ത്മറിയം അര്‍ക്കദിയാക്കോന്‍ തീർത്ഥാടന ഇടവകയിൽ മെയ് 1ന് ആരംഭിച്ച അഖണ്ഡജപമാല മാസാചരണം മെയ് 31 തിങ്കളാഴ്ച സമാപിക്കും
അഖണ്ഡജപമാല മാസാചരണം തുടർച്ചയായ 744 മണിക്കൂർ പിന്നിട്ടാണ് മെയ് 31 തിങ്കളാഴ്ച രാത്രി 12മണിക്ക് സമാപിക്കുന്നത്…
അഖണ്ഡജപമാല മാസാചരണ സമാപനത്തിൽ സീറോ മലബാര്‍ സഭയുടെ പിതാവും തലവനുമായ അഭിവന്ദ്യ മേജർ ആർച്ച്ബിഷപ് കർദ്ദിനാൾ മാർ ജോർജ് ആലഞ്ചേരി പിതാവ് ഇടവകജനത്തിനായി പ്രത്യേക സന്ദേശവും നൽകും.
ഒരു ദിനത്തില്‍ 48 പേര്‍ അഖണ്ഡ ജപമാലപ്രാര്‍ത്ഥനയില്‍ കണ്ണികളായി 31 ദിനങ്ങള്‍ക്കുള്ളില്‍ 1,488 കണ്ണികളായാണ് അഖണ്ഡ ജപമാലയര്‍പ്പണം പൂര്‍ത്തീകരിക്കുന്നത്. ഇടവകയിൽ മെയ്മാസത്തിൽ 15 ലക്ഷം ജപമാലയര്‍പ്പണം നടത്താനും തീരുമാനിച്ചിരുന്നു. ഇടവകയിലെ മൂവായിരത്തി മൂന്നോറോളം വരുന്ന കുടുംബങ്ങളിലെ ലോകം മുഴുവൻ വ്യാപിച്ചുകിടക്കുന്ന പതിനാറായിരത്തോളം വരുന്ന അംഗങ്ങളുടെ പങ്കാളിത്തത്തോടെയാണ് 15 ലക്ഷം ജപമാലയര്‍പ്പണം ലക്ഷ്യമിട്ടിരുന്നത്. കൂടാതെ ഇടവകാതിര്‍ത്തിയിലെ സന്യാസിനി സന്യാസ ഭവനങ്ങളും വൈദിക പരിശീലന കേന്ദ്രങ്ങളും അഖണ്ഡ ജപമാലയര്‍പ്പണത്തിൽ പങ്കാളികളായി.
ജപമാല മാസാചരണ സമാപനദിനമായ 31 മെയ് തിങ്കൾ രാത്രി 10ന് വിശുദ്ധ കുർബാന.
11.00 കർദ്ദിനാൾ മാർ ജോർജ് ആലഞ്ചേരിയുടെ സന്ദേശം.
തുടർന്ന് ആരാധനയോടെ ജപമാല.
ഭക്തജനങ്ങൾക്ക് തിരുകർമ്മങ്ങളിൽ പങ്കെടുക്കാൻ തത്സമയ സംപ്രേക്ഷണം ഉണ്ടായിരിക്കുമെന്ന് ഇടവകവികാരി ആർച്ച്പ്രീസ്റ്റ് ഡോ. അഗസ്റ്റിൻ കൂട്ടിയാനിയിൽ അറിയിച്ചു.
കുറവിലങ്ങാട് പള്ളിയുടെ ഫേസ്ബുക്ക് പേജിലും, യൂട്യൂബ് ചാനലിലും, വെബ്സൈറ്റിലും തത്സമയ സംപ്രേക്ഷണം…
Youtube Channel : https://bit.ly/2G1ujFF
Facebook Page : https://bit.ly/33XlMeH
Website : https://bit.ly/364csZ8
