കുറവിലങ്ങാട് മേജർ ആർക്കി എപ്പിസ്കോപ്പൽ മർത്ത്മറിയം ആർച്ച് ഡീക്കൻതീർത്ഥാടന ദേവാലയ മാനേജ്‌മെന്റ് കീഴിലുള്ള സെന്‍റ് മേരീസ് ഹയർ സെക്കൻഡറി, സെന്‍റ് മേരീസ് ജിഎച്ച്എസ് സ്കൂളുകളുകളിൽ നിന്നും എസ്എസ്എൽസി, പ്ലസ് ടു പരീക്ഷകളിൽ ഫുൾ എ പ്ലസ് നേടിയ മുഴുവൻ വിദ്യാർത്ഥികളെയും ആദരിക്കുന്നു. ഈ വർഷം ഫുൾ എ പ്ലസ് നേടിയ 60 വിദ്യാർത്ഥി വിദ്യാർത്ഥിനികളെയും എൽപി സ്കൂളിലെ എൽ എസ് എസ് സ്കോളർഷിപ്പ് നേടിയ വിദ്യാർത്ഥികളെയും സ്കൂളുകളിൽ നിന്നും ബെസ്റ്റ് ടീച്ചേഴ്സ് ആയി തെരഞ്ഞെടുക്കപ്പെട്ട വരെയും ആദരിക്കും. കൂടാതെ 70 എ പ്ലസ് നേടിയ ദേവമാതാ കോളേജിനേയും ചടങ്ങിൽ ആദരിക്കും.
ജൂൺ 14 വെള്ളിയാഴ്ച ഉച്ചകഴിഞ്ഞ് 2 മണിക്ക് പള്ളി പാരീഷ് ഹാളിൽവെച്ചാണ് അനുമോദനയോഗം.
പാലാ രൂപത മെത്രാൻ മാർ ജോസഫ് കല്ലറങ്ങാട്ട് സമ്മേളനം ഉദ്ഘാടനം ചെയ്യും. സൗത്ത് ഇന്ത്യൻ ബാങ്ക് മുൻ സി ഇ ഒ വി എ ജോസഫ് മുഖ്യാതിഥിയായിരിക്കും.