ആൽബം പ്രകാശനം ചെയ്തു
കുറവിലങ്ങാട് മുത്തിയമ്മയുടെ കീർത്തനങ്ങളും, സ്തുതിഗീതങ്ങളുമായി, കുറവിലങ്ങാട് പള്ളിയുടെ ശ്രേഷ്ഠതയേയും പ്രതിഫലിപ്പിക്കുന്ന കൃപാഗ്നി മിനിസ്ട്രീസ് ഡയറക്ടർകൂടിയായ പാലാ രൂപതയുടെ അലിദാബാദ് മിഷൻ കോർഡിനേറ്റർ, റവ. ഡോ. ജോർജ് കാരംവേലി രചിച്ച 🌠മുത്തിയമ്മ, ഈശോ തന്ന അമ്മ🌠 എന്ന സംഗീത ആൽബം ആർച്ച്പ്രീസ്റ്റ് റവ. ഡോ. ജോസഫ് തടത്തിൽ പ്രകാശനം ചെയ്തു. ഇന്നലെ തിരുന്നാൾ കൊടിയേറ്റിനോടനുബന്ധിച്ചു നടന്ന പരിശുദ്ധ കുർബാനക്കുശേഷം പ്രകാശനകർമ്മം നടന്നു.
ഇതിലെ ഒരു ഗാനം രചിച്ച് സംഗീതം നൽകിയിരിക്കുന്നത് പ്രശസ്ത കലാകാരൻ എ.ജോ. പാറ്റാനിയാണ്. വേറൊരു ഗാനം രചിച്ചിരിക്കുന്നത് കാസർകോഡ് സ്വദേശിയായ ലീലാമ്മ ജോസഫ് ആണ്.
ഈ ആൽബത്തിലെ വരികൾക്ക് ഈണം നൽകിയിരിക്കുന്നത് പ്രശസ്ത സംഗീതജ്ഞൻ ജിജി തോംസനാണ്. മധുരമനോഹരമായ ഗാനങ്ങൾക്ക് പ്രശസ്തഗായകർ ശബ്ദം നൽകിയിരിക്കുന്നു.