കുറവിലങ്ങാട് മേജർ ആർക്കിഎപ്പിസ്കോപ്പൽ മർത്ത്മറിയം അർക്കദിയാക്കോൻ തീർത്ഥാടന ദേവാലയത്തിൽ വിശുദ്ധ അൽഫോൻസാമ്മയുടെ തിരുനാൾ നാളെ (23-11-2019 ഞായറാഴ്ച) ആഘോഷിക്കും. ഇടവകയിലെ വിശുദ്ധ അൽഫോൻസാ സോണിന്‍റെ നേതൃത്വത്തിലാണ് തിരുനാൾ ആഘോഷം. നാളെ 4.30ന് ചങ്ങനാശേരി അതിരൂപത കെസിഎസ്എൽ ഡയറക്ടർ ഫാ. ജോസഫ് വേലങ്ങാട്ടുശേരി വിശുദ്ധ കുർബാന അർപ്പിക്കും. 6.30ന് ലദീഞ്ഞ്, പ്രദക്ഷിണം. ഏഴിന് നേർച്ചവിതരണം. തുടർന്ന് വിശുദ്ധ അൽഫോൻസാ പ്രച്ഛന്നവേഷ മത്സരം, ബൈബിൾ ടാബ്ലോ എന്നിവ നടക്കും.
വിശുദ്ധ അൽഫോൻസാമ്മയ്ക്ക് കുട്ടികളോടുണ്ടായിരുന്ന പ്രത്യേക സ്നേഹം കണക്കിലെടുത്ത് പെണ്‍കുട്ടികൾക്കുള്ള ഉടുപ്പ് സമർപ്പിക്കുന്നതിനുള്ള അവസരവും തിരുനാൾദിനത്തിൽ ഒരുക്കിയിട്ടുണ്ട്. ആർച്ച്പ്രീസ്റ്റ് റവ.ഡോ. ജോസഫ് തടത്തിൽ, സഹവികാരിയും സോണ്‍ ഡയറക്ടറുമായ ഫാ. മാണി കൊഴുപ്പൻകുറ്റി, സോണ്‍ ലീഡർ ബിബിൻ വെട്ടിയാനിയിൽ എന്നിവരുടെ നേതൃത്വത്തിലുള്ള കമ്മിറ്റിയാണ് തിരുനാളിനുള്ള ഒരുക്കങ്ങൾ പൂർത്തീകരിച്ചിട്ടുള്ളത്.