അമ്മമാർക്കായി ക്വിസ് മത്സരം
കുറവിലങ്ങാട് മേജർ ആർക്കി എപ്പിസ്കോപ്പൽ മർത്ത്മറിയം ആർച്ച്ഡീക്കൻ തീർത്ഥാടന ഇടവക ആതിഥ്യമരുളുന്ന കുറവിലങ്ങാട് നസ്രാണി മഹാസംഗമത്തിന്‍റെ പ്രചരണാർത്ഥം, അമ്മമാർക്കായി ജൂണ്‍ 28ന് ക്വിസ് മത്സരം നടത്തും.
അമ്മമാർ മാത്രം മത്സരാർഥികളായുള്ള മത്സരം കുറവിലങ്ങാട് ഇടവക മാതൃവേദിയാണ് സംഘടിപ്പിച്ചിരിക്കുന്നത്. കുറവിലങ്ങാട് ഇടവക പ്രസിദ്ധീകരിച്ച കുറവിലങ്ങാട് : ഉറവയും ഉറവിടവും, കുറയാതെ കാക്കുന്നവൾ: കുറവലിങ്ങാട് മുത്തിയമ്മ എന്നീ പുസ്തകങ്ങളും വിശുദ്ധ മത്തായിയുടെ സുവിശേഷം 19 മുതൽ 28 വരെയുള്ള അധ്യായങ്ങൾ എന്നിവ ഉൾപ്പെടുത്തിയാണ് മത്സരം.
കുറവിലങ്ങാട് പള്ളി ഓഫീസിലോ മാതൃവേദി മേഖലാ പ്രസിഡന്‍റുമാരുടെ പക്കലോ ജൂണ്‍ ഒന്നിന് മുൻപായി പേര് രജിസ്റ്റർ ചെയ്യണം. പഠനത്തിനുള്ള പുസ്തകങ്ങൾ പള്ളി ഓഫീസിൽ ലഭിക്കും.
കൂടുതൽ വിവരങ്ങൾക്കായി ബന്ധപ്പെടാൻ മൊബൈൽ നമ്പർ: 9061253883, 9495352841, 9447066309, 9496025864.