കുറവിലങ്ങാട് മർത്ത്മറിയം ഫൊറോന പള്ളിയിൽ എട്ടുനോമ്പാചരണത്തിന് ഒരുക്കമായി നടത്തുന്ന, അട്ടപ്പാടി സെഹിയോൻ മിനിസ്ട്രീസ് ഡയറക്ടർ ഫാ. സേവ്യർഖാൻ വട്ടായിൽ നയിക്കുന്ന രണ്ടാമത് കുറവിലങ്ങാട് അഭിഷേകാഗ്നി കണ്‍വൻഷൻ ഇന്ന് നാലാം ദിനത്തിലേക്ക് പ്രവേശിക്കും.
ആയിരങ്ങളിലേക്ക് വചനം സമ്മാനിക്കുന്ന അഭിഷേകാഗ്നി കണ്‍വൻഷനു നാളെ സമാപനമാകും.
അഭിഷേകാഗ്നി കണ്‍വൻഷന്‍റെ മൂന്നാംദിനമായിരുന്ന ഇന്നലെ പാലാ രൂപത വികാരി ജനറാൾ മോൺ. ജോസഫ് കൊല്ലംപറമ്പിൽ വിശുദ്ധ കുർബാനയർപ്പിച്ച് സന്ദേശം നൽകി.
ഇന്നു നാലിന് പാലാ രൂപത വികാരി ജനറാൾ മോൺ. ജോസഫ് മലേപറമ്പിൽ വിശുദ്ധ കുർബാനയർപ്പിച്ച് സന്ദേശം നൽകും. രാവിലെ 9.30 മുതൽ വൈകുന്നേരം 3.30 വരെ കൗണ്‍സിലിംഗിനും രാവിലെ പത്തു മുതൽ നാലുവരെ കുമ്പസാരത്തിനും ക്രമീകരണം ഒരുക്കിയിട്ടുണ്ട്.
സമാപനദിനമായ നാളെ നാലിന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് വിശുദ്ധ കുർബാനയർപ്പിച്ച് സന്ദേശം നൽകും.