കോ​ള​ജി​ന് നാ​ക് റി ​അ​ക്ര​ഡി​റ്റേ​ഷ​നി​ൽ ഉ​ന്ന​ത പ​ദ​വി വാ​ങ്ങി ന​ൽ​കാ​നാ​യ ചാ​രി​താ​ർ​ഥ്യ​ത്തി​ലാ​ണ് പ്രി​ൻ​സി​പ്പ​ൽ ഡോ. ​ഫി​ലി​പ്പ് ജോ​ണി​ന്‍റെ പ​ടി​യി​റ​ക്കം. മലയാള വിഭാഗത്തിൽനിന്ന് ആദ്യമായി പ്രി​ൻ​സി​പ്പ​ൽ പദവിയിലെത്തുന്ന മൂന്നു വർഷം മികച്ച സേവനം നടത്തിയ ഇ​ദ്ദേ​ഹ​ത്തി​ന്‍റെ കാ​ല​യ​ള​വി​ൽ കോ​ള​ജി​ന് സ​ർ​വ​ക​ലാ​ശാ​ല​യി​ൽ പാ​ഠ്യ​പാ​ഠ്യേ​ത​ര മേ​ഖ​ല​ക​ളി​ലും കാ​യി​ക​രം​ഗ​ത്തും തി​ള​ങ്ങു​ന്ന സാ​ന്നി​ധ്യ​മാ​കാ​ൻ ക​ഴി​ഞ്ഞു. എ​ൻ​എ​സ്എ​സി​ലൂ​ടെ മി​ക​ച്ച യൂ​ണി​റ്റി​നും പ്രോ​ഗ്രാം ഓ​ഫീ​സ​ർ​ക്കും പ്രി​ൻ​സി​പ്പ​ലി​നു​മു​ള്ള അം​ഗീ​കാ​രം കോ​ള​ജി​ന് നേ​ടി​യെ​ടു​ക്കാ​നായി.

സം​സ്ഥാ​ന​ത​ല​ത്തി​ൽ മി​ക​ച്ച എ​ൻ​എ​സ്എ​സ് പ്രോ​ഗ്രാം ഓ​ഫീ​സ​റാ​യി കോ​ള​ജി​ന് യ​ശ​സ് സ​മ്മാ​നി​ച്ചാ​ണ് ഡോ. ​ടി.​ടി. മൈ​ക്കി​ളി​ന്‍റെ പ​ടി​യി​റ​ക്കം. അ​ധ്യാ​പ​ക​നാ​യി​രി​ക്കു​ന്പോ​ഴും ഒ​രു ഡ​സ​നോ​ളം കോ​ഴ്സു​ക​ൾ പ​ഠി​ച്ച് വി​ജ​യി​ച്ചാ​ണ് ഡോ. ​ടി.​ടി മൈ​ക്കി​ൾ ശ്ര​ദ്ധേ​യ​നാ​യ​ത്. ഏറ്റവും മികച്ച പ്രോഗ്രാം ഓഫിസർക്കുള്ള സംസ്ഥാന അവാർഡ്, ഏറ്റവും മികച്ച പ്രോഗ്രാം ഓഫിസർക്കുള്ള എം ജി യൂണിവേഴ്സിറ്റി അവാർഡ് തുടങ്ങി നിരവധി അവാർഡുകൾ ഡോ. ​ടി.​ടി. മൈ​ക്കി​ളി​ലൂടെ ദേവമാതാകോളേജ് കരസ്ഥമാക്കിയിട്ടുണ്ട്. 32 വർഷത്തെ സേവനകാലാവധിക്കിടയിൽ 12 ബിരുദാനന്തര ബിരുദങ്ങൾ ഇദ്ദേഹം സമ്പാദിച്ചിട്ടുണ്ട്.

30 വ​ർ​ഷ​ത്തെ അ​ധ്യാ​പ​ന സേ​വ​ന​വു​മാ​യാ​ണ് പ്ര​ഫ. ബേ​ബി മാ​ത്യു​വി​ന്‍റെ പ​ടി​യി​റ​ക്കം. എ ​പ്ല​സു​ക​ളു​ടെ തി​ള​ക്ക​ത്തി​ൽ സ​ർ​വ​ക​ലാ​ശാ​ല​യു​ടെ ഒ​ന്നാം​നി​ര​യി​ൽ കോ​മേ​ഴ്സ് വി​ഭാ​ഗ​ത്തെ ഉ​യ​ർ​ത്തി​യാ​ണ് പ്ര​ഫ. ബേ​ബി മാ​ത്യു കോ​ള​ജി​നോ​ടു വി​ട​ചൊ​ല്ലു​ന്ന​ത്.

1989 ൽ ​ദേ​വ​മാ​താ​യി​ലെ​ത്തി​യ പ്ര​ഫ. കെ.​ജെ. മാ​ത്യു കോ​ള​ജി​ൽ മാ​ത്ത​മാ​റ്റി​ക്സി​ൽ പി​ജി കോ​ഴ്സ് നേ​ടി​യെ​ടു​ക്കു​ന്ന​തി​ലും റാ​ങ്കു​ക​ളും എ ​പ്ല​സു​ക​ളും നേ​ടി​യെ​ടു​ക്കു​ന്ന​തി​നും മു​ൻ​പ​ന്തി​യി​ലാ​യി​രു​ന്നു.

ഇം​ഗ്ലീ​ഷ് വി​ഭാ​ഗം മേ​ധാ​വി​യാ​യ ഡോ. ​എം.​ജെ. ജോ​സ​ഫ് മ​റ്റം കാ​ൽ​നൂ​റ്റാ​ണ്ട് ദേ​വ​മാ​താ​യി​ൽ അ​ധ്യാ​പ​ക സേ​വ​നം ന​ട​ത്തി​യാ​ണ് വി​ര​മി​ക്കു​ന്ന​ത്. ജീ​സ​സ് യൂ​ത്തി​ന്‍റെ ഡ​യ​റ​ക്ട​റാ​യും സേ​വ​ന​മ​നു​ഷ്ഠി​ച്ചു.

അ​ധ്യാ​പ​ക​ർ​ക്കൊ​പ്പം കോ​ള​ജി​ലെ ലൈ​ബ്ര​റി അ​സി​സ്റ്റ​ന്‍റ് ജോ​സ​ഫ് ജോ​ർ​ജും അ​ന​ധ്യാ​പി​ക സി​സ്റ്റ​ർ റോ​സി​ലി​യും ഈ ​വ​ർ​ഷം ദേ​വ​മാ​താ കോ​ള​ജി​ന്‍റെ പ​ടി​യി​റ​ങ്ങു​ന്ന​വ​രു​ടെ പ​ട്ടി​ക​യി​ലു​ണ്ട്.