കോഴാ സെന്റ് ജോസഫ് കപ്പേളയിൽ കുടുംബജീവിതക്കാർക്കു കാവൽക്കാരനും തൊഴിലാളികളുടെ മദ്ധ്യസ്ഥനുമായ മാർ യൗസേപ്പിന്റെ മരണത്തിരുനാളും ഊട്ടുനേർച്ചയും മാർച്ച് 19ന് തിങ്കളാഴ്ച ആചരിക്കും. അന്ന് രാവിലെ 10ന് എസ്എംവൈഎം ഗ്ലോബൽ ഡയറക്ടർ ഫാ. ജോസഫ് ആലഞ്ചേരി വിശുദ്ധ കുർബാനയർപ്പിച്ച് സന്ദേശം നൽകും. 12 നു കുറവിലങ്ങാട് മേജർ ആർക്കി എപ്പിസ്കോപ്പൽ മർത്ത്മറിയം ആർച്ച്ഡീക്കൻ തീർത്ഥാടന പള്ളി വികാരി റവ.ഡോ. ജോസഫ് തടത്തിൽ ഊട്ടുനേർച്ച ആശീർവദിക്കും.
പഴയിടം മോഹനൻ നമ്പൂതിരിയാണ് ഊട്ടുനേർച്ച തയാറാക്കുന്നത്.
കപ്പേളയിൽ മാർച്ചു ഒന്നുമുതൽ 31 വരെ തീയതികളിൽ നടക്കുന്ന വണക്കമാസാചരണത്തിന്റെ ഭാഗമായി എല്ലാദിവസവും വൈകുന്നേരം 6.30ന് വിശുദ്ധ കുർബാനയും ലദീഞ്ഞും നൊവേനയും വണക്കമാസ പ്രാർത്ഥനയും നടന്നുവരികയാണ്.
ഏപ്രിൽ 2നാണ് വണക്കമാസസമാപനം.