🎑 വിശ്വാസ പ്രഭയിൽ ജ്വലിക്കട്ടെ യുവത്വം 🎑
എന്ന സന്ദേശവുമായി, കേരളാ കത്തോലിക്കാ മെത്രാൻ സമിതി പ്രഖ്യാപിച്ച യുവജനവർഷാചരണത്തിന്റെ ഭാഗമായി, SMYM ൻറെ ആഭിമുഖ്യത്തിൽ നാളെ (4-11-2018 ഞായർ) ഉച്ചയ്ക്ക് 1.30 ന് വിശ്വാസ പൈതൃകത്തിന്റെ ഈറ്റില്ലമായ പകലോമറ്റം അർക്കദിയാക്കോൻ നഗറിൽനിന്നും ആരംഭിച്ച് കുറവിലങ്ങാട് മുത്തിയമ്മ സവിധത്തിലേക്ക് വിശ്വാസപ്രഖ്യാപന റാലിയും തീർത്ഥാടനവും നടക്കും. തുടർന്ന് യുവജനസംഗമം നടത്തുമെന്ന് എസ് എം വൈ എം മേഖലാ ഡയറക്ടർ ഫാ.ജോർജ് നെല്ലിക്കൽ, മേഖലാ പ്രസിഡന്റ് സോണി ജോണി, ജനറൽ സെക്രട്ടറി സെബാസ്റ്റ്യൻ ജോയി എന്നിവർ അറിയിച്ചു. കുറവിലങ്ങാട് ഫൊറോനായിലെ 13 യൂണിറ്റുകളിൽനിന്നും പ്രവർത്തകർ സംഗമത്തിന് എത്തിച്ചേരും.
രൂപത പ്രസിഡന്റ് ആൽവിൻ ഞായർകുളത്തിൽനിന്ന് മേഖലാ പ്രസിഡന്റ് സോമി ജോണി പതാക ഏറ്റുവാങ്ങും. രൂപത അസി. ഡയറക്ടർ ഫാ. ജയിംസ് മുടക്കാങ്കൽ സന്ദേശം നൽകും. മേജർ ആർക്കിഎപ്പിസ്കോപ്പൽ മർത്ത്മറിയം ആർച്ച്ഡീക്കൻ തീർത്ഥാടന ദേവാലയത്തിൽ എസ്എംവൈഎം ഗ്ലോബൽ ഡയറക്ടർ ഫാ. ജോസഫ് ആലഞ്ചേരി സന്ദേശം നൽകും. ആർച്ച്പ്രീസ്റ്റ് റവ.ഡോ. ജോസഫ് തടത്തിൽ അനുഗ്രഹപ്രഭാഷണം നടത്തും. മേഖലാ ഡയറക്ടർ ഫാ. ജോർജ് നെല്ലിക്കൽ, സിസ്റ്റർ നോയൽ, സെൻട്രൽ കൗൺസിൽ അംഗം റിബിൻ അരഞ്ഞാണിയിൽ, ഭാരവാഹികളായ സോണി ജോണി, സെബാസ്റ്റ്യൻ ജോയി, ഡെൻസി ജോൺ, പി.എം. ദിലീപ്, എബി മാത്യു, ബ്രിജിൻ മേരി ജോസ്, ഷാന്‍റിൻ ബേബി, ബിബിൻ ബെന്നി, ജെയ്മോൾ കെ. ജോസ് എന്നിവർ നേതൃത്വം നൽകും.