ഫ്രാന്‍സിസ് മാര്‍പാപ്പ പ്രഖ്യാപിച്ച കുടുംബവർഷാചരണത്തിന്, കുറവിലങ്ങാട് മേജർ ആർക്കിഎപ്പിസ്കോപ്പൽ മർത്ത്മറിയം അർക്കദിയാക്കോൻ തീർത്ഥാടന ദേവാലയ ഇടവകയിൽ തുടക്കമായി. കോഴാ സെന്‍റ് ജോസഫ്സ് കപ്പേളയിൽ പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് വർഷാചരണം ഉദ്ഘാടനം ചെയ്തു.
കുടുംബവർഷവും മാർ യൗസേപ്പ്പിതാവിന്റെ വർഷവും വലിയ അനുഗ്രഹമാണെന്നും ദൈവപിതാവിന്‍റെ നിഴലാണ് മാർ യൗസേപ്പിൽ ദർശിക്കാനാകുന്നതെന്നും മാർ ജോസഫ് കല്ലറങ്ങാട്ട് പറഞ്ഞു.
ആർച്ച് പ്രീസ്റ്റ് റവ. ഡോ. അഗസ്റ്റിൻ കൂട്ടിയാനിയിൽ, സഹവികാരിമാരായ ഫാ. ജോസഫ് അമ്പാട്ട്, ഫാ. മാത്യു പാലക്കാട്ടുകുന്നേൽ, ഫാ. തോമസ് കൊച്ചോടയ്ക്കൽ, ഫാ. ജോസഫ് വഞ്ചിപ്പുരയ്ക്കൽ, പാസ്റ്ററൽ അസിസ്റ്റന്‍റ് ഫാ. തോമസ് മലയിൽപുത്തൻപുര, പാലാ ഹോം പ്രൊജക്ട് എക്സിക്യൂട്ടീവ് ഡയറക്ടർ ഫാ. കുര്യാക്കോസ് വെള്ളച്ചാലിൽ, ദേവമാതാ കോളജ് വൈസ് പ്രിൻസിപ്പൽ ഫാ. മാത്യു കവളമ്മാക്കൽ, എന്നിവർ പങ്കെടുത്തു.
കുടുംബവർഷാചരണത്തിന്‍റെ ഭാഗമായുള്ള നസ്രത്ത് തിരുക്കുടുംബ ഭവനപദ്ധതിയും മാർ ജോസഫ് കല്ലറങ്ങാട്ട് ഉദ്ഘാടനം ചെയ്തു.