കുറവിലങ്ങാട് മേജർ ആർക്കിഎപ്പിസ്കോപ്പൽ മർത്ത്മറിയം ആർച്ച്ഡീക്കൻ തീർഥാടന ദേവാലയത്തിന് കീഴിലുള്ള സെന്‍റ് മേരീസ് സ്കൂളുകളുടെ ജൂബിലിയുമായി ബന്ധപ്പെട്ട നേതൃസംഗമം നടത്തി. സെന്‍റ് മേരീസ് ബോയ്സ് ഹൈസ്‌കൂളിന്റെ ശതോത്തര രജത ജൂബിലിയുടേയും സെന്‍റ് മേരീസ് ഗേൾസ് എൽപി സ്കൂളിന്റെ ശതാബ്ദിയുടേയും നേതൃസംഗമമാണ് നടത്തി.
ആഘോഷവുമായി ബന്ധപ്പെട്ട വിവിധ കമ്മിറ്റികളുടെ പ്രവർത്തനങ്ങളുടെ അവലോകനവും പുതിയ പ്രവർത്തനങ്ങളുടെ രൂപരേഖയും വിശദമായി ചർച്ച ചെയ്തു. മാനേജ്മെന്‍റും അധ്യാപകരും അനധ്യാപകരും പൂർവ്വവിദ്യാർത്ഥികളും ജനപ്രതിനിധികളും സംഗമത്തിന് എത്തിയിരുന്നു. മാനേജർ, ആർച്ച്പ്രീസ്റ്റ് റവ.ഡോ. ജോസഫ് തടത്തിൽ അധ്യക്ഷത വഹിച്ചു. അസിസ്റ്റന്റ് മാനേജർ ഫാ. തോമസ് കുറ്റിക്കാട്ട്, സീനിയർ അസിസ്റ്റന്റ് വികാരി ഫാ. കുര്യാക്കോസ് വെള്ളച്ചാലിൽ, സഹവികാരിമാരായ ഫാ. ജോർജ് നെല്ലിക്കൽ, ഫാ. മാത്യു വെണ്ണായപ്പിള്ളിൽ, ഫാ. മാണി കൊഴുപ്പൻകുറ്റി, മർത്ത്മറിയം പ്രമോഷൻ കൗണ്‍സിൽ ജനറൽ കണ്‍വീനർ ഡോ.ജോയി ജേക്കബ്, എഡ്യുക്കേഷൻ പ്രമോഷൻ കൗണ്‍സിൽ ചെയർമാൻ ഡോ. ഫിലിപ്പ് ജോണ്, അംഗം ഡോ. സജി അഗസ്റ്റ്യൻ, പിടിഎ പ്രസിഡന്റ് ബേബി തൊണ്ടാംകുഴി, ഗ്രാമപഞ്ചായത്ത് പ്രസിഡന്റ് പി സി കുര്യൻ, സ്റ്റാൻഡിംഗ് കമ്മിറ്റി ചെയർമാൻ സിബി മാണി, ഹയർ സെക്കണ്ടറി സ്‌കൂൾ പ്രിൻസിപ്പൽ നോബിൾ തോമസ്, ഹെഡ്മാസ്റ്റർ ജോർജുകുട്ടി ജേക്കബ് തുടങ്ങിയവർ പ്രസംഗിച്ചു.
സെൻറ് മേരീസ് ബോയ്സ് സ്കൂളിന്റെ ശതോത്തര രജത ജൂബിലി (125)യോടനുബന്ധിച്ച് നിർമ്മിക്കാനുദ്ദേശിക്കുന്ന ജൂബിലി സ്മാരക മന്ദിരത്തിന്റെ രൂപരേഖ പ്രകാശനം ചെയ്തു.
