HaSaH-2018 കുറവിലങ്ങാട് ഫൊറോനാ SMYM യുവജന സംഗമത്തോടനുബന്ധിച്ചു മുത്തിയമ്മ തീർത്ഥാടനത്തിൽ ആയിരങ്ങളായ യുവജനങ്ങൾ പങ്കാളികളായി. കുറവിലങ്ങാട് ഫൊറോനായിലെ 13 യൂണിറ്റുകളിൽനിന്നും പ്രവർത്തകരാണ് സംഗമത്തിന് എത്തിച്ചേർന്നത്. തീർത്ഥാടനത്തിന്‍റെ ഭാഗമായി വിശ്വാസ പ്രഖ്യാപന റാലിയും 
. പകലോമറ്റം തറവാട് പള്ളിയിലെ അർക്കദിയാക്കോന്മാരുടെ കബറിടത്തിങ്കൽ നിന്ന് കുറവിലങ്ങാട് പള്ളിയിലേക്കാണ് വിശ്വാസപ്രഖ്യാപന റാലി നടത്തിയത്. അർക്കദിയാക്കോന്മാരുടെ കബറിടത്തിങ്കൽ പുഷ്പാചർച്ചനയും നടത്തി.
SMYM രൂപതാ അസിസ്റ്റന്റ് ഡയറക്ടർ ഫാ.ജയിംസ് മടിക്കാങ്കൽ, പ്രസിഡന്റ് ആൽവിൻ ഞായറുകുളം എന്നിവർ ചേർന്ന് മേഖലാ പ്രസിഡന്റ് ശ്രീ.സോണി ജോണിക്ക് എസ്.എം.വൈ.എം പതാക കൈമാറി റാലി ഉദ്ഘാടനം ചെയ്തു.
നിശ്ചലദൃശ്യങ്ങളും കളർ ബലൂണുകളും കൊടികളും റാലിക്ക് മിഴിവേകി. രൂപത പ്രസിഡന്റ് ആൽവിൻ ഞായറുകുളം, ജോയിന്റ് ഡയറക്ടർ സിസ്റ്റർ നോയൽ, ജനറൽ സെക്രട്ടറി സെബാസ്റ്റ്യൻ ജോയി, ഭാരവാഹികളായ റിബിൻ അരഞ്ഞാണിയിൽ, ഡെൻസി ജോണ്, പി.എം ദീലീപ്, എബി മാത്യു, ബ്രിജിൻ മേരി ജോസ്, ഷാന്‍റിൻ ബേബി, ബിബിൻ ബെന്നി, ജെയ്മോൾ കെ. ജോസ്, ജിനു തെക്കേപ്പാട്ടത്തേൽ, ബോണി കെ. ജോണ്, ആഷ്മി മരിയ ജോണ് എന്നിവർ പ്രസംഗിച്ചു.
തീർത്ഥാടകർ കുറവിലങ്ങാട് മേജർ ആർക്കിഎപ്പിസ്കോപ്പൽ മർത്ത്മറിയം ആർച്ച്ഡീക്കൻ തീർത്ഥാടന ദേവാലയത്തിലെ മുത്തിയമ്മ സവിധത്തിൽ എത്തിയപ്പോൾ,മുവാറ്റുപുഴ മലങ്കര രൂപതാ സഹായ മെത്രാൻ മോസ്റ്റ് റവ യൂഹാനോൻ മാർ തിയോഡോഷൃസ് മുഖ്യസന്ദേശം നൽകി. മേജർ ആർക്കിഎപ്പിസ്കോപ്പൽ മർത്ത്മറിയം ആർച്ച്ഡീക്കൻ തീർത്ഥാടന ദേവാലയം ആർച്ച്പ്രീസ്റ്റ് റവ.ഡോ. ജോസഫ് തടത്തിൽ, എസ്എംവൈഎം ഗ്ലോബൽ ഡയറക്ടർ ഫാ. ജോസഫ് ആലഞ്ചേരി, മേഖലാ ഡയറക്ടർ ഫാ. ജോർജ് നെല്ലിക്കൽ എന്നിവർ പ്രസംഗിച്ചു.