എസ്എംവൈഎം പാലാ രൂപതയുടെ ആഭിമുഖ്യത്തിൽ എസ്എംവൈഎം കുറവിലങ്ങാട് മേഖല & യൂണിറ്റുകളുടെ സംയുക്താതിഥേയത്തിൽ കുറവിലങ്ങാട് ദേവമാതാ കോളേജ് ഗ്രൗണ്ടിൽ നടന്ന നിധീരിക്കൽ മാണിക്കത്തനാർ മെമ്മോറിയൽ വോളിബാൾ ടൂർണ്ണമെന്റ് SMASH 2K19 രാമപുരം യൂണിറ്റ് ഒന്നാംസ്ഥാനവും ഫാത്തിമാപുരം യൂണിറ്റ് രണ്ടാംസ്ഥാനവും നേടി. രാമപുരം യൂണിറ്റിലെ ജോസ്ബിൻ ടി. മാബിൻ മികച്ച കളിക്കാരനായി.
മത്സരങ്ങൾ ആർച്ച്പ്രീസ്റ്റ് റവ.ഡോ.ജോസഫ് തടത്തിൽ ഉദ്ഘാടനം ചെയ്തു. രൂപത ഡയറക്ടർ ഫാ. സിറിൽ തയ്യിൽ, പ്രസിഡന്‍റ് സെബാസ്റ്റ്യൻ തോട്ടത്തിൽ, വൈസ്പ്രസിഡന്‍റ് റീതു ജോർജ് എന്നിവർ പ്രസംഗിച്ചു.
പാലാ രൂപതയിലെ എട്ട് എസ്എംവൈഎം മേഖലകളെ പ്രതിനിധീകരിച്ച് അരുവിത്തുറ, ഐങ്കൊമ്പ്, കളത്തൂർ, കുറവിലങ്ങാട്, കുടയത്തൂർ, ഫാത്തിമാപുരം, രാമപുരം, ഗാഗുൽത്താ എന്നീ എട്ട് യൂണിറ്റുകൾ മാറ്റുരച്ചു.
രാമപുരം സെന്‍റ് അഗസ്റ്റിൻസ് ഫൊറോന വികാരി റവ. ഡോ. ജോർജ് വർഗീസ് ഞാറക്കുന്നേൽ, ഫാ. ജോർജ് നിരവത്ത്, ഫാ. ഫ്രാൻസിസ് ഇടത്തിനാൽ, മേഖല ഡയറക്ടർ ഫാ. ജോർജ് നെല്ലിക്കൽ എന്നിവർ സമ്മാനദാനം നിർവഹിച്ചു. രൂപത ജനറൽ സെക്രട്ടറി ദേവസ്യാച്ചൻ പുളിക്കൽ, റോഷ്നി ജോർജ്, ജിനു ജോസഫ്, റിബിൻ ജോസ്, ആൻസണ്‍ ടി. ജോസ്, ബ്രിജിൻ മേരി ജോസ്, ഡിബിൻ ഡൊമിനിക് എന്നിവർ പ്രസംഗിച്ചു.